"Ювентус" ярим ҳимоячиси Уэстон Маккенни бош мураббий Лучано Спаллетти ҳақида гапирди. Якшанба куни "Юве" А Серияда "Парма" устидан 4:1 ҳисобида ғалаба қозонди. Америкалик ярим ҳимоячи голлардан бирини урди.
"Спаллетти ноёб. Мен ҳеч қачон унга ўхшаган мураббийга эга бўлмаганман. У жуда яхши, у жамоамиз билан ажойиб иш қиляпти, шунинг учун мен жуда хурсандман. Ўйлайманки, барчамиз Лучано билан ишлаётганимиздан хурсандмиз. Бу мен ишлаган энг яхши "Ювентус", - деди 27 ёшли футболчи.
Турин жамоаси 23 та ўйиндан сўнг 45 очко билан А Серия жадвалида тўртинчи ўринда. Лучано Спаллетти 2025 йил октябрь ойи охирида жамоани қабул қилиб олган эди.
