"Ювентус" бош мураббийи Лучано Спаллетти клубнинг "Тоттенхэм" ҳужумчиси Рандал Коло-Муанига қизиқишини тасдиқлади.
27 ёшли футболчи қишки трансфер ойнасининг сўнгги кунларида "кекса синьора"нинг устувор мақсади ҳисобланади. Якшанба куни "Парма"га қарши А Серия ўйинидан (4:1 ҳисобидаги ғалаба) сўнг, туринликлар мураббийи ҳозирда "ПСЖ"га тегишли бўлган француз футболчисини сотиб олиш эҳтимоли ҳақидаги саволга жавоб берди.
"Ҳали ҳам Коло-Муанини сотиб олиш имконияти бор, бу тўғри. Бизга шундай ўйинчи керак; у жамоани албатта кучайтириши мумкин" - деди Спаллетти интервьюсида.
Коло-Муани ўтган мавсумнинг иккинчи ярмида "Ювентус"да ижара асосида ўйнаган эди. "Бьянконерлар" ёзда ҳужумчини сотиб олишга ҳаракат қилишди, аммо "ПСЖ" билан келишувга эриша олмадилар.
