Мадриднинг "Реал" клуби хавбеки Федерико Вальверде Испания чемпионатининг 22-туридан ўрин олган "Райо Вальекано"га қарши уй учрашувидан кейин ўз фикрларини билдириб ўтди.
"Қаймоқранглилар" 2:1 ҳисобидаги ғалабани тантана қилди.
"Ғалабадан мамнунмиз. Аммо биз жамоа сифатида ривожланишда ва ўсишда давом этишимиз керак. Ўйин натижасини 90-дақиқадан кейин эмас, эртароқ ҳал қилишга ҳаракат қилиш керак. Биз ҳар доим ҳам рақибнинг хатосидан умид қила олмаймиз. "Реал" яхшироқ ўйнаши ва кўпроқ гол уриши керак," - дея футболчининг сўзларини келтиради клуб матбуот хизмати.
