Миланнинг "Интер" клуби президенти Жузеппе Маротта Дензел Дюмфриснинг "Ливерпуль"га кетиши мумкинлиги ҳақидаги хабарга муносабат билдирди.
"Баъзи телефон қўнғироқлари, ҳатто тўсатдан қилинган бўлса ҳам вазиятни беқарорлаштиради. Ҳозир трансфер учун ҳеч қандай имконият йўқ. Дюмфрис биз билан, "Интер"да қолади," - дея функционернинг сўзларини келтиради журналист Фабрицио Романо.
Дюмфрис 2021 йилдан бери "Интер" шарафини ҳимоя қилмоқда. Жорий мавсумда 29 ёшли нидерландиялик футболчи барча мусобақаларда 15 та учрашувда майдонга тушиб, 3 та гол уришга муваффақ бўлди.













