Франция чемпионатининг 20-тури доирасида "ПСЖ" клуби "Страсбург"ни 2:1 ҳисобида мағлуб этди. Биринчи бўлимда пенальтини қайтарган парижликларнинг россиялик дарвозабони Матвей Сафонов учрашувдан олган таассуротлари билан ўртоқлашди.
"Биринчи бўлимда рақибдан яхшироқ эдик, аммо кучли рақиб билан оғир баҳс бўлди. Ўйин шиддатли кечди, якунда бироз омадимиз келди," - дея россияликнинг сўзларини келтиради Maxifoot.
Франция чемпионатида ўтказилган 20 турдан сўнг Луис Энрике шогирдлари 48 очко жамғариб, мусобақа жадвалида пешқадамлик қилмоқда. Париж гранди 2-ўриндаги "Ланс"ни 2 очкога ортда қолдирмоқда.













