"Фенербахче" сафида ижара асосида тўп тепаётган Саудия Арабистонининг "Ан-Наср" клуби форварди Жон Дуран Англияга қайтиши мумкин. Бу ҳақда TEAMtalk хабар бермоқда.
Манбага кўра, 22 ёшли футболчи ўз хизматларини бир вақтнинг ўзида Премьер-лиганинг бир неча клублари, жумладан, "Тоттенхем" ва "Лидс"га таклиф қилган. Аввалига "Астон Вилла"дан 77 миллион еврога сотиб олинган форвард Саудия Арабистонида ўзини кўрсата олмади, энди эса "Фенербахче"да захира ўйинчисига айланиб қолди.
Жорий мавсумда Дуран барча турнирларни ҳисобга олган ҳолда 21 та учрашувда майдонга тушиб, бешта гол урди ва учта голли узатмани амалга оширди.
Transfermarkt портали мутахассислари футболчининг нархини 32 миллион еврога баҳоламоқда.
