"Арсенал" марказий ҳимоячиси Вильям Салиба Англия Лига Кубоги ярим финалидан ўрин олган "Челси"га қарши жавоб ўйинидан нималар кутаётгани ҳақида гапирди.

"Стэмфорд Бриж"даги дастлабки учрашувда "канонирлар" 3:2 ҳисобида зафар қучганди. Қарама-қаршилик тақдири сешанба куни ҳал қилинади.

"Биз биламизки, финалга ҳали анча бор. Олдинда "Челси" билан муҳим уй учрашуви, катта дерби бор. Биз яна ғалаба қозонмоқчимиз. Муваффақият бизга ишонч бағишлайди, чунки бу жорий мавсумдаги биринчи финал бўлади. Лекин биз ҳали бунга эришганимиз йўқ. Биз барча совринларни ютишга қатъий қарор қилганимизни исботлашимиз керак," - деди Салиба интервьюда.

Ўйин Тошкент вақти билан 01:00 да бошланади. Иккинчи ярим финалда "Манчестер Сити" ва "Ньюкасл" ўзаро тўқнаш келади.