Мюнхеннинг "Бавария" клуби ярим ҳимоячиси Браян Сарагоса "Рома"га ўтмоқда. Италия клуби немис гранди билан 24 ёшли испаниялик футболчини ижара асосида трансфер қилишга келишиб олди, деб хабар бермоқда журналист Фабрицио Романо.
Жорий мавсумнинг биринчи қисмида Сарагоса "Сельта"да ижарада ўйнади. Браян 19 та учрашувда қатнашиб, 1 та гол ва 1 та голли узатмани ўз ҳисобига ёздириб қўйди. Испанлар ижарани муддатидан олдин тўхтатгани учун пул компенсацияси олади.
Бугунги кунга келиб, Рим жамоаси 43 очко тўплаб, Италия чемпионати турнир жадвалида бешинчи ўринни эгаллаб турибди.
