"Ливерпул"нинг собиқ футболчиси Жейми Реднапп Англия премьер-лигасининг жорий мавсумида Лондоннинг "Арсенал" клуби чемпионлик учун кураш олиб бориши мумкинлиги ҳақида гапирди.
"Арсенал" аллақачон чемпион. Бу менинг фикрим. "Канонирлар" 8-10 очко фарқ билан чемпион бўлиши мумкин. Бошқача бўлса, ҳайрон қоламан. Жамоа ва мураббий сўнгги вақтларда асабийлашаётганди, аммо ҳозир бироз хотиржам бўлиш мумкин", - дея футбол экспертининг сўзларини келтиради Daily Mail.
Англия Премьер-лигасида ўтказилган 24 турдан сўнг лондонликлар 53 очко билан турнир жадвалида пешқадамлик қилмоқда. Микель Артета шогирдлари 2-ўриндаги "Манчестер Сити"ни 6 очкога ортда қолдирмоқда.
