"Ювентус" ва "Болонья" клублари ҳимоячилар алмашинувини расмийлаштирди. Шу тариқа, "Бянконери" сафига 25 ёшли швециялик ўнг қанот ҳимоячиси Эмил Холм ўтди. "Болонья" таркибини эса Холмнинг деярли тенгдоши, худди шундай позицияда ҳаракат қилаётган 26 ёшли Жоау Мариу тўлдирди.
Ҳар икки футболчи жорий мавсум якунига қадар ижара асосида янги клубларида ўйнайди. Шунга қарамай, "Юве" истаса, Холмни "Болонья"дан сотиб олиши мумкин. "Болонья"да ижарачини сотиб олиш имконияти йўқ.
"Ювентус" А Серияда 45 очко билан 4-ўринда бормоқда. "Болонья" улардан анча пастда - тўққизинчи ўрин ва 30 очко.
