"Марсель"нинг англиялик вингери Мэйсон Гринвуд жорий мавсум барча мусобақаларда 21 та гол ва 7 та ассистни ўз ҳисобига ёздириб қўйди. Бу кўрсаткичлар Лига 1нинг барча ўйинчилари орасида энг яхшиси. У "Бавария" форварди Харри Кейндан бошқа ҳар қандай англиялик футболчининг натижаларини ортда қолдирмоқда. Бу ҳақда The Touchline Х ижтимоий тармоғида хабар берди.
Харри Кейн жорий мавсумда барча мусобақаларда 32 та ўйинда 36 та гол ва 4 та ассистга муаллифлик қилган.
2024 йилнинг 18 июлида Гринвуд "МЮ"дан "Марсель"га ўтган ва беш йиллик шартнома имзолаганди. Аввалроқ, вингерга Каталониянинг "Барселона" клуби қизиқиш билдираётгани ҳақида хабарлар тарқалган эди.
