"Барселона" ҳужумчиси Рафинья Диас янги жароҳати ҳақида фикр билдирди.

Аввалроқ, каталонияликлар матбуот хизмати бразилиялик футболчига сонни яқинлаштирувчи мушакнинг чўзилиши ташхиси қўйилгани ҳақида хабар берган эди.

"Менда ҳаммаси жойида. Бироз чарчадим, лекин умуман олганда, ҳаммаси яхши. Тикланиш кўп вақт талаб қилмаслиги керак. Мен имкон қадар тезроқ қайтишга ҳаракат қиламан," - дея Рафиньянинг сўзларини келтиради Barca Universal.

Рафинья жорий мавсумда барча мусобақаларни қўшиб ҳисоблаганда 22 та ўйинда майдонга тушиб, 13 та гол урди ва бешта ассист муаллифи бўлди.