"Барселона" бош мураббийи Ханс-Дитер Флик жамоа вингери Маркус Рэшфорд ҳақида фикр билдирди.
"Рэшфорднинг салоҳияти анча юқори, менимча. Бундай тезлик ва техника билан у бизга кўпроқ нарса бериши мумкин. Мен ундан худди шуни истайман. Мен ундан мамнунман, лекин у янада кўпроғини кўрсатиши мумкин деб ўйлайман. Мен ҳар бир футболчини ўз имкониятлари чўққисида кўришни истайман," - дея Фликнинг сўзларини келтиради Barca Universal.
"Барселона" ёзги трансфер ойнасида Рэшфордни "Манчестер Юнайтед"дан ижарага олди. Каталонияликлар сафида 28 ёшли ҳужумчи барча мусобақаларда 32та ўйин ўтказиб, ўнта гол урди ва 12та ассистни ўз ҳисобига ёздириб қўйди.
