Франциялик ҳимоячи Аксель Дисаси Лондоннинг "Челси" клубидан пойтахтнинг бошқа бир клуби - "Вест Хэм"га ўтди. Бу ҳақда "аристократлар" матбуот хизмати хабар бермоқда.
"Болғачилар" 27 ёшли футболчи билан жорий мавсум якунига қадар мўлжалланган ижара шартномасини имзолади. Дисасининг "Челси" билан шартномаси 2029 йилнинг июнь ойи охиригача мўлжалланган. Унинг бозор қиймати 15 миллион еврога баҳоланмоқда.
Жорий мавсумда Аксель Премьер-лига ўйинларида иштирок этмади.













