«Барселона» президенти Жоан Лапорта Mundo Deportivo газетасининг 120 йиллигига бағишланган тадбирда жамоа бош мураббийи Ханси Флик ҳақида фикр билдирди.

«Агар мен яна президент бўлсам, Флик “Барселона”ни истаганича бошқаради. Биз учун бундай тажриба ва билимга эга инсон жамоада бўлиши жуда муҳим эди. У нафақат ажойиб мураббий, балки ажойиб инсон ҳам.

У билан шартнома имзолаган кунимизёқ муҳим иш қилаётганимизни англадик. Чунки у ҳақиқий мураббий ва ёш футболчиларни тажрибалилар билан тўғри бошқара олади.

У ҳозирги “Барселона” учун идеал мураббий. У орқали жамоа ҳозир жуда яхши даврни бошдан кечирмоқда», — деди Лапорта.

Эслатиб ўтамиз, март ойида жамоада президентлик сайлови бўлиб ўтади.