Трансфер ойнасининг сўнгги кунида "Сандерленд" таркиби янги футболчи билан тўлдирилди. "Қора мушуклар" қанот ҳужумчиси Нилсон Ангуло билан шартнома имзолади.
Тегишли маълумот инглиз клуби сайтида пайдо бўлди. Эквадорлик ҳужумчи Бельгиянинг "Андерлехт" клубидан сотиб олинди. Британия матбуотига кўра, келишув суммаси 17 млн еврони ташкил қилган. Ангуло билан меҳнат шартномаси 2030 йил ёзигача мўлжалланган. Шунингдек, бир мавсумга узайтириш имконияти ҳам мавжуд.
Ангуло жорий мавсум барча мусобақаларда 30та ўйинда майдонга тушишга улгурди. 22 ёшли ҳужумчи ҳисобида еттита гол ва саккизта ассист бор.
