"Альбасете" бош мураббийи лавозимида ишлаб келаётган Альберто Гонсалес Испания кубоги чорак финалидан ўрин олган "Барселона"га қарши ўйин олдидан ўз фикрларини билдириб ўтди.
"Биз ўз ишимизни яхши бажариш орқали уларни тўхтата оламиз. Биринчи қадам - ҳужумни тўхтатиш ва буни амалга оширганимиздан сўнг, бизда оз бўлса-да, имкониятлар бўлишини тушунишимиз керак", - дея мураббийнинг сўзларини келтиради Marca.
"Альбасете" Испания футболининг иккинчи энг кучли дивизиони бўлган Сегунда дивизионида ўйнайди. Испания Кубогининг 1/8 финалида Гонсалес шогирдлари сенсацион тарзда Мадриднинг "Реал" клубини 3:2 ҳисобида мағлубиятга учратди.
