"Барселона" президенти Жоан Лапорта Испания чемпионатининг 22-туридан ўрин олган "Реал" - "Райо Вальекано" (2:1) учрашуви ҳақида гапирди, унда "қаймоқранглилар" 90+10-дақиқада ҳужумчи Килиан Мбаппенинг пенальтидан урган голи эвазига ғалаба қозонди.
"Реал" - "Райо Вальекано" ўйинини томоша қилдим. Тўққиз ёки 10 дақиқалик қўшимча вақт қаердан келганини билмайман. Бир неча вазиятларда "Реал" футболчилари жарима майдончаси ичида ўзларини қўл теккандек кўрсатишга ўрганиб қолгани кўринди. Бу карточкага олиб келиши керак эди. "Райо" жуда ноқулай аҳволда эди", - дея Лапортанинг сўзларини келтиради АS.
