«Барселона»нинг собиқ ярим ҳимоячиси Андрес Иньеста мураббийлик фаолиятини бошлаш нияти борлигини тасдиқлади.

«Ҳа, ҳозирги кунда бу — менинг асосий мотивациям. Ҳозир шу жараёндаман, айнан шу иш билан шуғуллангим келади ва унга имкон қадар яхши тайёрланишга ҳаракат қиламан», — деди жаҳон ва Европа чемпиони Cadena SER Catalunya’га берган интервьюсида.

41 ёшли испаниялик ҳозирча ўзини «Барселона»да — на мураббий, на клубнинг спорт тузилмасида — кўрмаётганини айтди.

«Ёшимни ҳисобга олсак, эҳтимол, у ерга 15 йиллардан кейин боришим мумкин. Узоқ муддатли режалар тузмаяпман. Ҳозир мураббийлик лицензиясини оляпман. Кейин нима бўлишини ёзда кўрамиз, шунда вариантларни баҳолаймиз», — дея қўшимча қилди Иньеста.