«Челси» бош мураббийи Лиам Росеньор Англия лига кубоги ярим финали доирасида «Арсенал»га қарши кечган баҳслар якуни ҳақида гапирди. Микель Артета жамоаси ўз майдонида кечган жавоб учрашувида сўнгги дақиқалардаги гол эвазига ғалаба қозонди (1:0). «Стэмфорд Бридж»даги илк тўқнашувда ҳам «тўпчилар» зафар қучишган эди (3:2).

«Иккинчи бўлимда биз ўзимиз истаган ҳудудларда устунлик қилдик, бироқ бундан фойда чиқара олмадик. Охирги дақиқаларда биз каби босим ўтказилганда, доим гол ўтказиб юбориш хавфи бўлади. Ўйлайманки, бугун биринчи ўйинга қараганда анча сезиларли ўсиш намойиш этдик. Ҳа, мағлубият доим ёқимсиз, биз кейинги босқичга чиқишни истагандик, аммо ривожланишда давом этиш муҳим ва мен жамоа яхшиланаётганини кўряпман», – деди Росеньор ITV1 га берган интервьюсида.

Финалда «Арсенал» «Манчестер Сити» ҳамда «Ньюкасл» жуфтлиги ғолиби билан куч синашади.