"Манчестер Юнайтед" қанот ҳимоячиси Диогу Далот Майкл Кэррик бошқарувидаги ўйинлар ҳақида ўз таассуротлари билан ўртоқлашди. Англиялик мутахассис Рубен Аморимнинг ўрнини эгаллаб, "қизил иблислар" бош мураббийи вазифасини вақтинча бажарувчи этиб тайинланди. Янги устоз қўл остидаги дастлабки учта ўйинда жамоа учта ғалабага эришди.
"Мураббий алмашинуви доим муайян аниқликни келтириб чиқаради, мен бундай вазиятлар билан аввалдан танишман. Кэррик билан дастлабки икки ўйинни аъло даражада ўтказдик — бу бутун мавсум йўналишини ўзгартириб юбориши мумкин. Энди олдимизда янада қийинроқ вазифа турибди — тўхтаб қолмаслик ва янада яхшироқ бўлиш. Ҳар доим мувозанат муҳим. Мураббий жамоага нима дейиш кераклигини ва қандай ёндашувдан фойдаланишни дарҳол тушуниб етди", – дея Далотнинг сўзларини келтирмоқда UtdDistrict.
Шанба куни, 7 февраль куни "МЮ" ўз майдонида "Тоттенхэм"га қарши баҳс олиб боради.
