«Барселона» — Испания Кубогининг ҳақиқий мутахассиси. Каталония клуби сўнгги йигирма йил ичида 16-марта мусобақанинг ярим финалига йўл олди. Бу натижа «Альбасете» устидан қозонилган камтарона 2:1 ҳисобидаги ғалабадан сўнг қайд этилди.

Аввалроқ «Альбасете» турнирдан Мадриднинг «Реал» клубини чиқариб юборган эди, бироқ каталонияликларга қаршилик қила олмади. Умумий ҳисобда эса «Барселона» Испания Кубоги (Қирол Кубоги) ярим финалида жами 62 марта иштирок этган. Клуб 43 марта финалгача етиб борган ва уларнинг 32 тасида ғалаба қозониб, кубокни қўлга киритган. Бу Испаниядаги энг яхши натижа ҳисобланади — таққослаш учун, «Реал» ушбу кубокда атиги 20 марта зафар қучган.