Бугун, 4 февраль куни Англия лига кубогининг иккинчи ярим финал жавоб учрашуви бўлиб ўтади. Унда «Манчестер Сити» ва «Ньюкасл» жамоалари баҳс олиб боришади. Ушбу рақиблар ўртасидаги дастлабки ярим финал баҳси 2:0 ҳисобида «Манчестер Сити» фойдасига ҳал бўлган эди.

Таҳлилчилар асосий вақтда «Манчестер Сити»нинг ғалаба қозониш имкониятини 53,4%, дурангни 23,2%, «Ньюкасл»нинг ғалабасини эса 23,4% га баҳоламоқдалар.

Англия лига кубоги финалига «Манчестер Сити»нинг чиқиш эҳтимоли 92% ни ташкил этмоқда, «Ньюкасл»нинг кейинги босқичга ўтиш имконияти эса бор-йўғи 8% га баҳоланди.

Эслатиб ўтамиз, ушбу жуфтлик ғолиби финалда «Арсенал» жамоаси билан куч синашади.