"Барселона" вингери Маркус Рэшфорд жорий мавсумда голлар ва голли узатмалар сони бўйича икки хонали кўрсаткичларга етди.
Англиялик футболчи Испания Кубоги доирасида "Альбасете"га қарши кечган ўйинда Рональд Араухога голли пас етказиб берди. Эндиликда Рэшфорд ҳисобида жорий мавсумдаги барча турнирларда ўнта гол ва ўнта голли узатма мавжуд. Opta маълумотларига кўра, 28 ёшли футболчи Ла Лигада бу натижага эришган учинчи вакилга айланди. Аввалроқ "Барселона"нинг яна икки аъзоси — Ламин Ямал (14+12) ва Фермин Лопес (10+11) ушбу довондан ўтган эди.
Эслатиб ўтамиз, Маркус Рэшфорд ўтган йилнинг ёзида Каталония клубига келиб қўшилган — у "Манчестер Юнайтед"дан ижарага олинган.
