Ҳимоячи Алекс Хименес яқин вақт ичида «Милан»дан «Борнмут» клубига доимий асосда кўчиб ўтади. Бу ҳақда нуфузли инсайдер Фабрицио Романо хабар бермоқда.
Манба берган маълумотларга кўра:
-
«Борнмут» жорий ҳафта якунига қадар 20 ёшли испаниялик футболчининг трансферини 19,5 млн евро ҳамда қўшимча 5,3 млн евро бонус эвазига ҳал қилади.
-
Ушбу маблағ «Милан» ҳамда футболчининг сотувидан 50% улуш олиш ҳуқуқига эга бўлган Мадриднинг «Реал» клуби ўртасида тенг тақсимланади.
-
Хименес «олчалар» билан 2031 йилгача мўлжалланган шартнома имзолаши кутилмоқда.
Маълумот учун, «Борнмут» Хименесни ўтган йилнинг сентябрь ойида «Милан»дан ижарага олган эди. Ўшандан бери ҳимоячи барча турнирларда 22 та ўйинда майдонга тушиб, 1 та гол ва 1 та голли узатмани ўз ҳисобига ёздириб қўйди.
