Франция терма жамоаси бош мураббийи Дидье Дешам Килиан Мбаппе ҳақидаги стереотип тасаввурларга изоҳ берди.

"Унда жуда худбин ўйинчи, индивидуалист образи бор. Албатта, у ҳужумчи, унда маълум даражада худбинлик бўлмаслиги кулгили бўларди... Сизни ишонтириб айтаманки, у сардор бўлганидан бери ўз сўзи бутун жамоа учун салмоқли эканлигини биладиганлар тоифасидан.

Агар сиз Килианни ҳар ўйинда камида 11 километр югуриши керак деб танқид қилмоқчи бўлсангиз... Тинчланинг, у бундай қилмайди. Аммо, бошқа томондан, унда муҳим ва ҳал қилувчи аҳамиятга эга бўлган кўплаб фазилатлар мавжуд", – деди Дешам.