"Бёрнли" дарвозабони Мартин Дубравка Англия футболи тарихидаги энг буюк дарвозабонни эътироф этди.

Словакиялик посбоннинг сўзларига кўра, "Манчестер Юнайтед"нинг собиқ дарвозабони Де Хеа ёш киперларга йўл очиб, ўз фазилатларини кўрсатди.

"У ажойиб йигит, жуда қувноқ, биринчи кунданоқ ҳаётимни жуда осонлаштирди. У билан вақт ўтказиш осон эди, ҳамма нарса ҳақида гаплашиб ўтирардик. У жуда хотиржам, баъзан ҳатто ҳаддан ташқари хотиржам бўлади, буни ўзи ҳам билса керак! Биз ҳали ҳам алоқадамиз. Биз атиги бир неча ой бирга бўлдик, лекин у шунчаки ажойиб инсон.

Менимча, унинг ҳолатида бу айниқса яққол сезилди, чунки ўша пайтда ёш дарвозабонлар унчалик кўп эмасди. Ҳозир Премьер-лигада ёш дарвозабонларни кўп учратиш мумкин, аммо ўшанда мураббийлар тажрибали ўйинчиларни афзал кўришарди. Айнан шунинг учун Давид биринчи ёш дарвозабонлардан бирига айланди ва бу биз учун жуда илҳомлантирувчи бўлди", деди Дубравка.

Маълумот учун, Де Хеа 2011 - 2023 йиллар давомида "Манчестер Юнайтед" шарафини ҳимоя қилган ва 545 та ўйинда майдонга тушган.