«Реал» ярим ҳимоячиси Дани Себальос Мадрид клубини тарк этиши мумкин эди.

Журналист Марио Кортегананинг маълумотларига кўра, агар «Бетис» унинг трансфери бўйича таклиф билан чиққанида, футболчи январь ойидаёқ жамоадан кетишга тайёр эди. Себальос охирги икки йил давомида «қаймоқранглилар» раҳбариятидан кетишига рухсат беришларини сўраб келмоқда ва бу талабни яна такрорлаши кутиляпти. Ярим ҳимоячи ўзининг қадрдон клуби — «Бетис»га қайтишни истайди. Бироқ ҳозиргача ҳеч қайси клуб Себальоснинг трансфери борасида «Реал» қўяётган молиявий талабларни бажара олгани йўқ.

Дани Себальос 2017 йилда «Бетис»дан «Реал»га 16 миллион евро эвазига ўтган эди. Унинг Мадрид клуби билан амалдаги шартномаси 2027 йилнинг 30 июнига қадар мўлжалланган. Жорий мавсумда ярим ҳимоячи барча турнирларда 20 та ўйинда майдонга тушди, аммо самарали ҳаракатлари билан ажралиб тура олмади.