«Real» yarim himoyachisi Dani Sebalyos Madrid klubini tark etishi mumkin edi.

Jurnalist Mario Kortegananing ma’lumotlariga ko‘ra, agar «Betis» uning transferi bo‘yicha taklif bilan chiqqanida, futbolchi yanvar oyidayoq jamoadan ketishga tayyor edi. Sebalyos oxirgi ikki yil davomida «qaymoqranglilar» rahbariyatidan ketishiga ruxsat berishlarini so‘rab kelmoqda va bu talabni yana takrorlashi kutilyapti. Yarim himoyachi o‘zining qadrdon klubi — «Betis»ga qaytishni istaydi. Biroq hozirgacha hech qaysi klub Sebalyosning transferi borasida «Real» qo‘yayotgan moliyaviy talablarni bajara olgani yo‘q.

Dani Sebalyos 2017 yilda «Betis»dan «Real»ga 16 million yevro evaziga o‘tgan edi. Uning Madrid klubi bilan amaldagi shartnomasi 2027 yilning 30 iyuniga qadar mo‘ljallangan. Joriy mavsumda yarim himoyachi barcha turnirlarda 20 ta o‘yinda maydonga tushdi, ammo samarali harakatlari bilan ajralib tura olmadi.