Ҳужумчи Душан Влахович маълум шартлар асосида «Ювентус»да қолиши мумкин.
La Stampa нашрининг маълумотларига кўра, форвард Турин клубида қолиши учун йилига 12 миллион еврони ташкил этадиган иш ҳақини бир неча мавсумга тақсимлашга рози бўлиши керак. Шу кунгача сербиялик футболчи бундай вариантни рад этиб келган, шунинг учун у бундай йўл тутиши эҳтимоли кам.
Душан Влахович 2022 йилда «Фиорентина»дан «Ювентус»га 83 миллион евро эвазига ўтган эди. Унинг шартномаси 2026 йилнинг 30 июнига қадар мўлжалланган. Жорий мавсумда ҳужумчи Турин клуби сафида барча турнирларда 17 та ўйин ўтказиб, 6 та гол урди ва 2 та голли узатмани амалга оширди.
