Лоренцо Инсинье январда "Наполи"га қайтиши мумкин эди.
Қишки трансферлар вақтида 2012-2022 йилларда "Наполи" шарафини ҳимоя қилган 34 ёшли вингер Б Сериянинг "Пескара" клубига ўтди.
"Тахминан 20 кун олдин агентимга директор Жованни Манна қўнғироқ қилди, менинг қайтишим эҳтимоли муҳокама қилинди. Мен қайтишга ва бепул ўйнашга тайёрлигимни айтдим, лекин улар бошқа танлов қилишди. Такрор айтаман, мен буни кўнглимга олмадим, чунки ҳали ҳам "Наполи"нинг ашаддий мухлисиман.
"Наполи" жадвалда бироз ортда қолганидан афсусдаман, лекин умид қиламан ва ишонаманки, улар ҳали ўз сўзини айтади. Сўнгги бир неча ой ичида мухлисларнинг меҳрини ҳис қилдим. Бу мени қувонтиради, чунки Неаполдаги 12 йил давомида скудеттони ютмаган бўлсам ҳам, ўз изимни қолдирдим", - деди Инсинье.
