Мадриднинг "Реал" клубидан ижарага олинган "Лион" ҳужумчиси Эндрик яна бир бор гол уришга муваффақ бўлди.
19 ёшли футболчи "тўқувчилар"га Франция Кубогининг 1/4 финалига чиқишга ёрдам берди: бразилиялик футболчи "Лавал"га қарши ўйиннинг 80-дақиқасида ҳисобни очди. Бу ўсиб келаётган юлдузнинг янги жамоаси сафида бешта ўйинда урган бешинчи голи бўлди.
Ҳужумчининг муваффақиятларига дарҳол "Реал"даги ватандошлари Винисиус Жуниор ва Родриго ижтимоий тармоқларда муносабат билдиришди.
"Бизнинг махлуқ", - деб ёзди Винисиус.
"У тўхтамаяпти!" - деб изоҳ қолдирди Родриго.
Эндрик январь ойи бошида "Лион" сафини тўлдирди. Битим мавсум охиригача мўлжалланган.
