Миланнинг «Интер» клуби президенти Жузеппе Маротта жамоа ярим ҳимоячиси Дензел Дюмфриснинг жароҳати ҳақида ўз фикрлари билан ўртоқлашди.
«Унинг қачон сафга қайтишини аниқ билмаймиз, лекин тез орада соғайишига умид қиламиз. Таркибимизда биз иштирок этаётган барча мусобақаларда унинг ўрнини боса оладиган футболчилар бор», — дея функционернинг сўзларини келтиради Sport Mediaset нашри.
Жорий мавсумда 29 ёшли футболчи барча турнирларни ҳисобга олган ҳолда 15 та учрашувда иштирок этди ва ўз ҳисобига учта гол ёздириб қўйди.
