«Барселона» вингери Ламин Ямал ўз самарадорлиги ҳақида фикр билдирди.

18 ёшли испаниялик футболчи яқинда шахсий рекордини ўрнатди — у фаолиятида илк бор «кўк-анорранглилар» сафида кетма-кет тўртта ўйинда гол уришга муваффақ бўлди. Шунга қарамай, футболчининг таъкидлашича, бу у учун асосий нарса эмас.

«Менинг ўйин услубим фақат урилган голларга боғланиб қолмаган. Бу ерда вазият турлича: мен яхши ўйнашим мумкин, лекин гол урмасам, одамлар норози бўлишади. Ёки гол уриб, ёмон ўйин кўрсатишим мумкин, бу ҳам норозилик уйғотади. Менинг асосий мақсадим — жамоа ғалабаси учун ҳамма нарсани қилиш», — дея Ямалнинг сўзларини келтирмоқда Barca Universal.

Каталония гранди юлдузи жорий мавсумда барча турнирларда 29 та учрашувда майдонга тушиб, ўз ҳисобига 14 та гол ва 13 та голли узатмани ёздириб қўйди.