Ярим ҳимоячи Алексис Мак Аллистернинг «Ливерпуль»ни тарк этиши мумкинлиги ҳақидаги гап-сўзлар яна авж олмоқда. indykaila News маълумотларига кўра, мавсум якунланганидан кейин «қизиллар» аргентиналик футболчининг жамоадаги келгуси истиқболлари масаласини кўриб чиқишади. Манбанинг хабар беришича, якунда хавбекни сотиш бўйича қарор қабул қилиниши ҳам истисно этилмайди. Ҳозирда Жаҳон чемпионига Мадриднинг «Реал» ва Мюнхеннинг «Бавария» клублари қизиқиш билдирмоқда.
Transfermarkt портали экспертлари Алексис Макаллистернинг нархини 85 миллион еврога баҳоламоқда. 27 ёшли футболчининг «Ливерпуль» билан амалдаги меҳнат шартномаси 2028 йилнинг ўрталарига қадар мўлжалланган.
