«Монако» Поль Погбани Чемпионлар лигаси учун топширилган қайдномасидан чиқариб ташлади. Монегаскларнинг асосий еврокубок учун тақдим этган расмий таркибида шов-шувлар марказидаги хавбек қайд этилмаган.
Франция оммавий ахборот воситаларининг хабар беришича, «Монако» раҳбарияти Погбанинг келажаги бўйича қарор қабул қилган. Клуб энди Полнинг хизматларига эҳтиёж сезмаяпти. Монегасклар франциялик футболчи билан шартномани бекор қилишга тайёр.
Таъкидланишича, «Монако» Погбанинг допинг сабабли юзага келган дисквалификациядан кейин катта футболга қайтишидан кўпроқ нарса кутган эди. Бироқ доимий жароҳатлар ва спорт формасининг пастлиги клуб раҳбариятининг ҳафсаласини пир қилган.
