"Кристал Пэлас" форварди Эдди Нкетиа январь трансфер ойнасида Лондоннинг "Вест Хэм" клубига ўтиши мумкин эди. Бу ҳақда The Athletic журналистлари хабар бермоқда.
Манбага маълум бўлишича, "болғачилар" "бургутлар" билан футболчини 31 миллион еврога сотиб олишга келишиб олган. Бироқ битим сўнгги паллада Нкетианинг жароҳати туфайли барбод бўлди. Ўйинчи машғулот пайтида тақим пайидан жароҳат олди.
Англия премьер-лигасининг жорий мавсумида 26 ёшли ҳужумчи 12 та учрашув ўтказди. Иккита голни Нкетиа ўз ҳисобига ёздириб қўйди. "Вест Хэм" АПЛ жадвалида 18-ўринда, "Кристал Пэлас" эса 15-ўринда бормоқда.
