Ўтмишнинг машҳур футболчиси Эден Азар «Ювентус» ҳужумчиси Кенан Йилдизнинг ўйинига юқори баҳо берди. Бельгиялик собиқ юлдузга ёш истеъдод эгасининг ҳаракатлари жуда манзур келмоқда.
«Фарзандларим Йилдизни жуда яхши кўришади. Улар Кенанни Премьер-лигада кўришни умид қилишмоқда, аммо мен учун у — «Реал Мадрид» даражасидаги ўйинчи», — дея Азарнинг сўзларини келтиради The Touchline.
2025/2026 йилги мавсумда Кенан Йилдиз 31 та ўйинда майдонга тушиб, ўз ҳисобига тўққизта гол ва саккизта голли узатмани ёздириб қўйди. Transfermarkt портали 20 ёшли футболчини 75 миллион еврога баҳоламоқда.
Айтиш жоизки, Эден Азар «Реал» сафига 2019 йилнинг ёзида келиб қўшилган эди. Бироқ бельгиялик футболчи Мадрид топ-клубида ўзини тўлақонли кўрсата олмади. Азар фаолиятини жуда эрта — 32 ёшида якунлади.
