«Бавария» матбуот хизмати клубнинг расмий сайти орқали қанот ҳимоячиси Саша Боэнинг мавсум охиригача ижара асосида «Галатасарой»га ўтгани ҳақида хабар берди.
Боэ 2024 йил январь ойида «Галатасарой»дан Мюнхен клубига ўтган эди. Шу вақт мобайнида 25 ёшли футболчи барча мусобақаларда жами 38 та учрашувда майдонга тушиб, 1 та гол ва 5 та голли узатма муаллифи бўлди. Ўйинчининг немис клуби билан амалдаги меҳнат шартномаси 2028 йил ёзигача мўлжалланган. Transfermarkt портали маълумотига кўра, футболчининг бозор қиймати 15 миллион еврони ташкил этади.













