Португалиялик ҳужумкор ярим ҳимоячи Бруну Фернандеш «Манчестер Юнайтед»нинг сўнгги ўйинларида порламоқда — у 2026 йилнинг ўзидаёқ бешта голли узатмани амалга оширишга улгурди. Умумий ҳисобда эса мавсум бошидан бери Брунунинг ҳисобида 12 та ассист бор ва бу кўрсаткич бўйича у Дэвид Бекхэмнинг рекордларига яқинлашиб қолди.

Бекхэм 1997/1998 йилги мавсумда жами 13 та голли узатмани амалга оширган бўлса, 1999/2000 йилги мавсумда бу кўрсаткични 15 тага етказган эди. Мавсум якунига қадар камида 14 та тур борлигини инобатга олсак, Фернандеш учун ҳар иккала натижани янгилаш имкони мавжуд.

Эслатиб ўтамиз, португалиялик футболчи 2020 йилдан бери инглиз клуби шарафини ҳимоя қилиб келмоқда.