Portugaliyalik hujumkor yarim himoyachi Brunu Fernandesh «Manchester Yunayted»ning so‘nggi o‘yinlarida porlamoqda — u 2026 yilning o‘zidayoq beshta golli uzatmani amalga oshirishga ulgurdi. Umumiy hisobda esa mavsum boshidan beri Brununing hisobida 12 ta assist bor va bu ko‘rsatkich bo‘yicha u Devid Bekxemning rekordlariga yaqinlashib qoldi.
Bekxem 1997/1998 yilgi mavsumda jami 13 ta golli uzatmani amalga oshirgan bo‘lsa, 1999/2000 yilgi mavsumda bu ko‘rsatkichni 15 taga yetkazgan edi. Mavsum yakuniga qadar kamida 14 ta tur borligini inobatga olsak, Fernandesh uchun har ikkala natijani yangilash imkoni mavjud.
Eslatib o‘tamiz, portugaliyalik futbolchi 2020 yildan beri ingliz klubi sharafini himoya qilib kelmoqda.
