Франциянинг «Лилль» клубида бош мураббий ўзгариши мумкин. Бу ҳақда журналист Саша Тавольери ўз ижтимоий тармоқларида хабар бермоқда.
Манбага кўра, клуб раҳбарияти айни дамда ватанида «Газиантеп» жамоасини бошқараётган собиқ футболчиси Бурак Йилмаз номзодини кўриб чиқмоқда.
Фаолиятини якунлагач, Йилмаз «Бешиктош»да вақтинчалик мураббий бўлиб ишлаган, шунингдек, «Кайсериспор» ва «Қосимпошо» клубларини бошқарган. Тавольерининг фикрича, у мавсум якунида «Газиантеп»ни тарк этиши мумкин. Ҳозирча «Лилль» томонидан Йилмазга расмий таклиф тушмаган.
«Лилль»нинг амалдаги бош мураббийи Бруно Женезио йил бошидан бери кучли босим остида қолмоқда — унинг жамоаси битта ўйиндан ташқари барча учрашувларда мағлуб бўлди. Ҳозирда жамоа чемпионатда бешинчи ўринда бормоқда.
