Англиялик тажрибали ярим ҳимоячи Алекс Окслейд-Чемберлен узоқ танаффусдан сўнг яна катта футболга қайтмоқда. 32 ёшли футболчи Шотландиянинг "Селтик" клуби билан шартнома имзолашга яқин турибди, деб хабар бермоқда инсайдер Фабрицио Романо. Кутилишича, жума куни томонлар ярим йиллик (мавсум якунига қадар) битим тузишади.

Алекс Окслейд-Чемберлен ўтган йилнинг ёзида Туркиянинг "Бешиктош" клубини тарк этган эди. Аввалроқ футболчи "Ливерпуль" ва Лондоннинг "Арсенал" клубларида олти йилдан фаолият юритган, карьерасини эса "Саутгемптон"да бошлаган. Англия терма жамоаси сафида ярим ҳимоячи 2012 йилдан 2019 йилгача бўлган даврда 35 та ўйин ўтказиб, еттита гол ва олтита голли узатмага муаллифлик қилган.