«Барселона» бош мураббийи Ханс-Дитер Флик клубнинг асосий орзуси — Чемпионлар лигасидаги узоқ кутилган ғалаба ҳақидаги саволга жавоб берди.
«Кўк-анорранглилар» энг нуфузли еврокубокда охирги марта узоқ 2015 йилда зафар қучишган. Ўтган мавсумда жамоа ярим финалгача етиб борди, жорий мусобақада эса асосий фаворитлардан бири ҳисобланмоқда.
«Бу биз учун нақадар муҳим мақсад эканлигини яхши англаб турибмиз. Агар биз ҳатто энг кичик деталларгача ривожланишда давом этсак, унда турнирда ғолиб чиқиш учун албатта имкониятимиз бўлади», – дея Фликнинг сўзларини келтирмоқда Barca Universal.
