"Кристал Пэлас" бош мураббийи Оливер Гласнер ҳужумчи Жан-Филипп Матетанинг "Милан"га содир бўлмаган муваффақиятсиз трансфери ҳақидаги саволга жавоб берди.

Италия клуби қишки трансфер ойнаси ёпилгунга қадар француз футболчиси билан шартнома имзолашга уриниб кўрган эди.

Бу борада аллақачон келишиб олинган эди, аммо "россонерилар" тиббий кўрикдан ўта олмаганидан сўнг уни рад этишга мажбур бўлишди.

"Матета ноябрь ойидан бери тизза муаммоларидан азият чекаётган эди. У ўйнашни давом эттирмоқчи эди ва биз бунга келишиб олдик. У бизга кетишни хоҳлаётганини айтди, аммо "Милан" вазиятни тўғри баҳолади ва уни сотиб олмасликка қарор қилди.

Биз ҳозирги вазиятда энг яхши ечимни топишга ҳаракат қиламиз", - деди Гласнер.