«Вулверхэмптон» ҳимоячиси Эммануэль Агбаду туманли Альбионни тарк этди. 28 ёшли ивуарлик футболчи фаолиятини Истанбулнинг «Бешиктош» клубида давом эттиради, деб хабар бермоқда клуб матбуот хизмати.

Таъкидлаш жоизки, Агбаду «бўрилар» сафида ўтган йилнинг сентябрь ойидан буён ўйнаб келаётган эди. Жорий мавсумда африкалик футболчи 17 та учрашувда иштирок этиб, 2 та голли узатмани амалга оширди. Ҳимоячининг бозор қиймати Transfermarkt портали томонидан 18 миллион еврога баҳоланган.

Туркия чемпионатининг 20 туридан сўнг «Бешиктош» 36 очко жамғариб, турнир жадвалида бешинчи ўринни эгаллаб турибди. Истанбул жамоаси пешқадам «Галатасарой»дан 13 очко ортда қолмоқда.