Бразилиянинг «Коринтианс» клуби хавбеки Брено Бидон фаолиятини Англиянинг топ-клубида давом эттириши мумкин, деб хабар бермоқда Caught Offside.
20 ёшли ярим ҳимоячининг трансферига Лондоннинг «Арсенал» клуби қизиқиш билдирмоқда. «Канонирлар»га ушбу футболчи учун курашда пойтахтнинг бошқа бир клуби — «Челси» рақобат туғдириши мумкин. Таъкидлаш жоизки, Бидоннинг шартномасида белгиланган товон пули 100 миллион еврони ташкил этади. Шунга қарамай, «Коринтианс» келаётган ёзда жиддий имтиёзларга боришга ва футболчи билан тахминан 30 миллион евро эвазига хайрлашишга тайёр.
Брено бразилияликлар сафида 107 та учрашув ўтказиб, ўз ҳисобига 4 та гол ва 3 та голли узатмани ёздириб қўйган. Унинг клуб билан амалдаги меҳнат шартномаси 2029 йилнинг ўрталаригача мўлжалланган.
