Мадриднинг "Реал" клуби ярим ҳимоячиси Жуд Беллингем Англия терма жамоасида бошқа "дахлсиз" футболчи эмаслигидан хабар топди. Бу ҳақда "The Touchline" нашри маълумот тарқатмоқда.
Манбанинг хабарига кўра, Беллингемга Англия терма жамоасининг асосий таркибидан кафолатланган жой берилмаслиги маълум қилинган. Агар унинг ўйини сезиларли даражада яхшиланмаса, миллий жамоа бош мураббийи Томас Тухель бўлажак Жаҳон чемпионатида "Астон Вилла" хавбеки Морган Рожерсга ишонч билдириши кутилмоқда.
Беллингем Англия терма жамоаси сафида 46 та ўйин ўтказиб, 6 та гол ва 10 та голли узатма муаллифига айланган.













