"Ливерпуль" ва Англия терма жамоаси собиқ футболчиси Жейми Каррагер "Манчестер Сити" бош мураббийи Хосеп Гвардиола ҳақидаги фикрлари билан ўртоқлашди.
"Айрим мураббийлар ғалаба қозонганлари учун афсонага айланишади. Бошқалари эса ўйинни ўзгартириб, уни янги босқичга олиб чиқишади. Гвардиола ўзида буларнинг барчасини бирлаштирган: у совринларни шундай тарзда қўлга киритадики, унинг қолдирган мероси ўзи бошқарган клублар чегарасидан анча четга чиқиб кетади", - деди эксперт.
Испаниялик мутахассис "шаҳарликлар" бошқарувини 2016 йилда ўз қўлига олган эди. Гвардиола инглиз клуби билан Чемпионлар Лигасида ғолиб чиқди ва олти карра Англия чемпионига айланди.
АПЛнинг жорий мавсумида "Манчестер Сити" 47 очко жамғарди. Гвардиола жамоаси турнир жадвалида иккинчи ўринни эгаллаб турибди ва пешқадам "Арсенал"дан олти очко ортда қолмоқда.
