"Манчестер Юнайтед" бош мураббийи вазифасини бажарувчи Майкл Кэррик ўйинлардан сўнг ўз футболчиларига дам олиш куни тақдим этмоқда. Бу ҳақда "The Touchline" нашри хабар бермоқда.
Манбанинг маълумотларига кўра, "қизил иблислар"нинг собиқ устозлари Эрик тен Хаг ва Рубен Аморим ҳеч қачон бундай йўл тутмаган эди. Таъкидлаш жоизки, Кэррик тайинланганидан сўнг "Манчестер Юнайтед"нинг натижалари сезиларли даражада яхшиланди.
24 турдан сўнг "Манчестер Юнайтед" Премьер-лига турнир жадвалида 41 очко билан тўртинчи ўринни эгаллаб, Чемпионлар Лигаси зонасида бормоқда.
Шанба куни, 7 февраль куни Англия чемпионатининг 25-тури доирасида "Манчестер Юнайтед" ва "Тоттенхэм" ўртасидаги учрашув бўлиб ўтади. Ўйин Тошкент вақти билан 17:30 да бошланади.
